NYHENDE FRÅ STORD LUFTHAMN

På biletet ser vi Dakota Norway sin DC-3

Foto : Tor Resser

03.09.2010

Positiv trafikkutvikling på Stord Lufthamn

I august reiste det 1.314 passasjerar over Stord lufthamn, Sørstokken. Dette representarar ein nedgong i trafikken på 280 passasjerar eller 17,6%, dersom ein samanliknar med samme månad i fjor. Ser ein på trafikken hittil i år så har det i perioden januar til august reist 15.785 passasjerar over lufthamna. Dette utgjer ein passasjervekst på 3.335 eller 26,8% samanlikna med samme periode i fjor. Lufthamna registrerte i august 816 flyrørsler. Dette utgjer ein auke på 545 flyrørsler eller over 100%, dersom ein samanliknar med samme månad i fjor. Ser ein på registrerte flyrørsler i perioden januar til august i år, så er det registrert 4.178 flyrørsler. Samanlikna med samme periode i fjor utgjer dette ein auke i flyrørsler på 1.466 eller 54%. Grunnen til den store auken av flyrørsler skuldast stor aktivitet på treningsflyging med småfly og helikopter.

30.08.2010

Haustprisar på flybillettar til/frå Oslo

Danish Air Transport (DAT) tilbyr no ein haustkampanje der du kan kjøpa flybillettar Stord-Oslo eller Oslo-Stord frå

kr 495,- ein veg. Reiseperioden er frå 01. til 24. oktober. Billettane må bestillast seinast 14 dagar før avreise.

Bestill flybillettane dine her

På biletet ser vi Vampiren som startar opp

Foto : Thomas A. Hjelmen

På biletet ser vi DC-3 frå Dakota Norway

Foto : Thomas A. Hjelmen

På biletet ser vi 2 stk L-29 frå Russian Warbirds of Norway samt ein DC-3 frå Dakota Norway under avgang

Foto : Thomas A. Hjelmen

30.08.2010

Vellukka flydag på Stord Lufthamn

Det vart ein vellukka flydag på lufthamna laurdag 28. august. Ein går ut frå at det var ca. 1.200 personar som besøkte arrangementet. På flydagen fekk publikum høve til å sjå fly på statisk utstilling. Dei fekk også høve til å sjå pilotar som utførte halsbrekkande manøvrar med flya sine. Bergen Fallskjermklubb utførte 2 avdelingar med fallskjermhopp. Været var på arrangørane si side denne dagen, noko som gjorde at det vart godt salg av is, brus og pølser. Om kvelden arrangerte lufthamnselskapet ein jubileumsfest for å markera at lufthamna snart er 25 år. Tilbakemeldingane frå pilotar og publikum gjekk ut på at flydagen var ein suksess. Også jubileumsfesten vart ein suksess.

På biletet ser vi eit fly av typen PA-31 med registrering OY-MST

Foto : Sverre Audun Rikstad

25.08.2010

Dansk fly nyttar Stord Lufthamn

Det danske flyet med registrering OY-MST nyttar Stord lufthamn, Sørstokken til drivstoffylling. Flyet av typen PA-31 er heimehøyrande i Roskilde i Danmark. Eigaren av flyet fortel at dei flyg miljøovervåking på oppdrag for Norsk Oljevernforening For Operatørselskap. Flyet har alt vore nede på Stord 2 gonger for drivstoffylling. I neste veke er det planlagt 2 nye turar. Pilotane er vel nøgde med den positive mottakinga dei har fått på Sørstokken.

På biletet ser vi teknikar frå firmaet Vestergaard som tek service på deicingbilen til lufthamna

Foto : Jan Morten Myklebust

25.08.2010

Service på deicingbil

Lufthamna har alt starta førebuinga av vintersesongen. I desse dagar føretek tekniker frå firmaet Vestergaard i Danmark årleg service på deicingbilen. Det er viktig for flyregulariteten at deicingbilen fungerar når det er naudsynt å føreta deicing av fly i vintersesongen.

På biletet ser vi Nord Helikopter A/S sitt helikopter av typen AS-350 med registrering LN-OWB

Foto : Jan Morten Myklebust

22.08.2010

Helikopterbesøk på Stord Lufthamn

Søndag 22. august fekk lufthamna besøk av Nord Helikopter A/S. Helikopteret av typen AS-350 dreiv med arbeide på Bømlo og kom til Stord lufthamn, Sørstokken for å fylla drivstoff.

På biletet ser vi eit av dei nye senterlinjelysa på Stord Lufthamn

Foto : Jan Morten Myklebust

17.08.2010

Nye senterlinjelys på Stord Lufthamn

Denne veka vert det montert nye lys på senterlinja i rullebanen. Det vert også montert lys på siktemerka. Det er Kolo Veidekke A/S som utfører arbeidet. Dei skal også montera temperaturfølarar ved begge tersklane på rullebanen.

På biletet ser vi frå venstre Espen Nordfonn og Alf Kåre Nonås som jobbar med å leggja ned nye kablar til banebelysninga på lufthamna

Foto : Jan Morten Myklebust

17.08.2010

Nye kablar til banebelysninga

Apply TB A/S jobbar no med å leggja ned nye kablar til rullebanebelysninga på Stord lufthamn, Sørstokken. Dei gamle kablane til banebelysninga vart lagt rett i jorda og ein har slite med stadig hyppigare jordfeil på desse kablane. Lufthamnadministrasjonen ser no fram til å kunna ta i bruk dei nye kablane til banebelysninga.

På biletet ser vi dei nye WIG-WAG lysa som er monterte ved venteposisjonane for fly på Stord Lufthamn

Foto : Jan Morten Myklebust

13.08.2010

Nye WIG-WAG lys på Stord Lufthamn

Denne veka er det montert nye WIG-WAG lys ved samtlege venteposisjonar for fly på Stord lufthamn, Sørstokken. Lysa er gule og er plasserte på kvar side av venteposisjonane på dei tre taksevegane på lufthamna.

På biletet ser vi FKH i terminalen på Stord Lufthamn

Foto : Jan Morten Myklebust

13.08.2010

FKH nyttar Stord Lufthamn

FKH nyttar Stord lufthamn og DAT når dei skal reisa til bortekampane sine i Tippeligaen. Søndag 22. august reiser fotballaget over Stord lufthamn i samband med kampen mot Kongsvinger.

13.08.2010

Stord Lufthamn får nye senterlinjelys

I veke 33 vil lufthamna få montert nye senterlinjelys, samt lys på siktemerkene på rullebanen. For tida vert det lagt ned ny kabel til all banebelysning på lufthamna. Dei gamle kablane til banebelysinga er 25 år gamle og ein slit med stadig oftare jordfeil på dei gamle kablane.

På biletet ser vi at den nyasfalterte rullebanen no er rilla

Foto : Jan Morten Myklebust

06.08.2010

Rullebanen på Stord Lufthamn vert opna for flytrafikk

Frå og med laurdag 07. august vert rullebanen på lufthamna opna for flytrafikk. Banen er no nyasfaltert og rilla.

06.08.2010

Rullebanen er no rilla

Den nyasfalterte rullebanen på Stord lufthamn, Sørstokken er no rilla. Det er Kola Veidekke A/S som har utført rillinga av rullebanen. Rullebanen vert opna for flytrafikk laurdag 07. august.

På biletet ser vi Bjørn Østrem med det nye flyet sitt

Foto : Frederik Myklebust

06.08.2010

Nytt fly på Stord Lufthamn

Bjørn Østrem har no fått seg nytt fly. Flyet med registreringa LN-YAC er stasjonert på Stord lufthamn. Bjørn fortel oss at han kjem til å nytta flyet privat. Det vil ikkje verta drive skuleflyging med flyet.

På biletet ser vi den nymerka rullebanen på Stord Lufthamn

Foto : Bjørn Østrem

05.08.2010

Rullebanen er no ferdig merka

Firmaet Visafo A/S er no ferdige med å merka rullebane, taksevegar og oppstillingsplassar for fly på Stord lufthamn, Sørstokken. Kolo Veidekke jobbar no med rilling av rullebanen. DAT startar opp att med ruteflygingane sine til/frå Oslo mandag 09. august.

På biletet ser vi rilling av rullebanen på Stord Lufthamn

Foto : Jan Morten Myklebust

04.08.2010

Rilling av rullebanen på Stord Lufthamn

Kolo Veidekke A/S har i dag starta arbeidet med å rilla rullebanen på Stord lufthamn, Sørstokken. Ein reknar med at arbeidet vil vera unnagjort i løpet av 3 døgn. Rillinga hindrar vannplaning og gjev betre friksjon.

På biletet ser vi ein representant frå firmaet Visafo A/S som utfører merking av senterlinja på rullebanen

Foto : Jan Morten Myklebust

27.07.2010

Merking av rullebanen på Stord Lufthamn

Firmaet Visafo A/S er no i gong med merking av rullebane, taksebanar og oppstillingsplassane for fly, på Stord lufthamn, Sørstokken. Dersom det gode været held fram reknar firmaet med å vera ferdig med merkinga av lufthamna i løpet av morgondagen.

På biletet ser vi lufthamna sin nye redningsbåt

Foto : Jan Morten Myklebust

19.07.2010

Ny redningsbåt på Stord Lufthamn

Lufthamna har no teke i bruk den nye redningsbåten sin. Båten er levert av firmaet Norsafe A/S i Arendal og er av typen Magnum 750.

På biletet ser vi dei nye innflygingslysa til rullebane 33 på Stord Lufthamn

Foto : Jan Morten Myklebust

13.07.2010

Nye innflygingslys til rullebane 33

Det er no montert nye innflygingslys til rullebane 33 på Stord lufthamn, Sørstokken. Lysrekka er på 180 meter frå terskel.

Det er 30 meter mellom kvart innflygingslys på senterlinja. Dei 2 fyrste lysa, målt frå terskel, er nedfelt i rullebanen.

Vidare er ein tverrbar med 9 lys montert 150 meter frå terskel. På dei 4 ytterste lysa på senterlinja er det montert flash (running rabbits).

På biletet ser vi ein C-160 frå German Air Force under avgang på Stord Lufthamn

Foto : Magnhild Agdestein

06.05.10

German Air Force gjesta Stord Lufthamn

Onsdag denne veka fekk lufthamna fint besøk av ein C-160 frå German Air Force. Flyet tok fyrst ein lowpass over rullebanen før det føretok ein stop and go på rullebane 15.

På biletet ser vi Luftforsvaret sin FA-20 på lowpass på Stord Lufthamn

Foto : Magnhild Agdestein

06.05.2010

Luftforsvaret på lowpass

Luftforsvaret sin Falcon Jet av typen FA-20 var denne veka på ein lowpass over Stord lufthamn, Sørstokken. Flyet flaug i nærare 600 km/t då det overflaug rullebanen.

På biletet ser vi kongeskipet Norge i Stokksundet like nord for Stord Lufthamn. Foldrøyhamn i bakgrunnen.

Foto : Jan Morten Myklebust

07.04.2010

Kongeskipet Norge i Stokksundet

I ettermiddag var kongeskipet Norge på øvelse i Stokksundet like nord for Stord lufthamn, Sørstokken. Skipet skal no klargjerast for sommarsesongen. Kongeskipet Norge vart gjeven i gåve frå det norske folk til kong Haakon VII etter ein landsomfattande innsamlingsaksjon i 1947. Skipet er eigd av H.M.Kongen, men vert driven av Sjøforsvaret. Når kongen er ombord på K/S Norge, vaiar kongeflagget på toppen av skipet si aktermast. Kongeskipet bar opprinneleg namnet Philante, og var ein britisk motoryacht som vart bygd i 1937 for flyfabrikanten Sopwith. Etter teneste som eskorteskip under den 2. verdskrigen, vart Philante kjøpt til Kongeskip i 1947.

På biletet ser vi frå venstre lufthamnsjef Myklebust, styreformann Jon Lund og samferdselsminister Meltveit Kleppa

Foto : Vidar Alfarnes

05.02.2010

Ny avtale sikrar vidare drift av Stord Lufthamn

Samferdselsminister Magnhild Meltveit Kleppa underteikna torsdag 04.02.2010 ei avtale som sikrar drift ved Stord lufthamn fram til 2014. Avtalen gjeld kompensasjon av driftskostnader, og er inngått mellom Samferdselsdepartementet og Sunnhordland Lufthavn AS.

Stord lufthamn er viktig for busetnad og næringsliv. Dei aller fleste næringslivsreisene mellom regionen og Oslo skjer no frå Stord lufthamn. Med denne avtalen får folk og næringsliv i regionen tryggleik for at drifta er sikra for ein lengre periode, sa samferdselsministeren i samband med at avtalen vart underteikna. Avtalen sikrar eit årleg tilskott til drift av lufthamna på inntil 12 millionar kroner, og gjeld fram til utgangen av 2014. Stord lufthamn har til no hatt statleg tilskott til AFIS, som er eit system for flygeinformasjonstenester. Den nye ordninga inneber at staten er med på å ta eit økonomisk ansvar for drifta av Stord lufthamn, samtidig som tilskottet til AFIS vert førd vidare både for Stord lufthamn og for dei andre ikkje-statlege lufthamnene som har slik støtte i dag.

Fleire nyhende frå luftfart og reiseliv finn du her:
- Boarding
- Hangar